Jæja ég veit ekki hvort að maður eigi að vera að standa í þessu bloggstandi.... maður er svo hrikalega lélegur við að blogga En smá tími gefst núna til þess. Ég er að vinna, vinna, vinna, vinna, vinna og kem svo heim og hef ekki orku í að gera neitt meira. Ég er hérna upp í mosó að slappa af í dag og njóta þess að sólin skín og veðrið er gott. Mig langar á skíði eða bretti upp í skálafell eða bláfjöll en allur minn búnaður er fyrir norðan í geymslu hjá mömmu gömlu. Það verður bara að bíða betri tíma . Annars er ekkert að frétta af mér. Efnahagsástandið gerir það að verkum að maður er ekkert að stressa sig við það að kaupa sér húsnæði hérna heima. Frekar að leigja mér þessa litlu kitru svona á meðan ástandið er slæmt. En það er líka ágætt bara, liggur ekkert á . Vinirnir eru að fjölga heiminum hver á fætur öðrum og við erum að verða frekar fáir barnlausu vinirnir eftir og það hefur sína kosti og galla hehehe. Enginn tími fyrir mann þegar börnin eru kominn í heiminn Það væri kannski góð hugmynd að skreppa til Odense og heilsa upp á barnlausu vinina þar Ætla að reyna að gera það fljótlega en það verður ábyggilega ekki fyrr en í vor eða sumar. Ég hringdi í Sebastian Ravn Rassmusen vin minn sem ég hef unnið með mikið í sambandi við Grænland. Hann er með fyrirtæki sem að sérhæfir sig í að koma upp búðum fyrir fyrirtæki og stofnanir upp á Grænlandi, koma fólki á milli staða þar og sjá um að fæða liðið Hann ætlar að leyfa mér að vinna hjá sér næsta sumar upp á Grænlandi í sumarfríinu mínu eða rúman mánuð ef að það verða einhver verkefni. Það verður rosalega gaman því ég elska Grænland, geggjað land og fegurð. Annars er bara allt við sama heygarðshornið, ekki kominn í neitt samband ennþá eða hvað þá farinn að fjölga heiminum hehe en það er aldrei að vita hvað gerist

Læt heyra í mér kannski eða hætti alveg að blogga hehe. Kemur þá allavega næsta haust blogg kannski. Bæ

Mig dreymdi skrýtinn draum í nótt. Ég var staddur á skipi sem var á siglingu neðansjávar. Þil skipsins var úr blóðrauðu stáli eins og á gámaskipunum sem sigla á milli landa og þrátt fyrir að vera undir yfirborðinu heyrði ég að einhver var að glamra á kassagítar fremst á þilinu. Ég gekk nær og sá að þetta var Bono úr U2, og í hvert sinn sem hann kláraði lag klappaði Páfinn (sem var þarna líka) og sagði, “meira! meira!” fullur ákafa. Páfinn var einmitt með sólgleraugun sem Bono gaf honum árið 2001 þegar þeir hittust í einhverjum góðgerðaerindum. Bono er góður kall, gefur gleraugun sín og svona, en hann er ekkert sérstaklega góður gítarleikari. Páfinn sá að mér var ekki skemmt en sagði mér að hafa ekki áhyggjur, The Edge hefði verið í magadanstímum og bara tafist aðeins …

Allavega, The Edge lét á endanum sjá sig og hóf að spila polka með Bono, en við það tækifæri fór Páfinn að dansa. Ég tók eftir því að himininn var fjólublár og það var einmitt um það leyti sem ég vaknaði upp og leit á klukkuna en hún var bara kortér í sex og þá fór ég aftur að sofa en fyrst fékk ég mér vatnsglas en vatnið var gruggugt þannig að ég drakk bara einn sopa spýtti honum strax út úr mér gekk um eldhúsgólfið en kaldar flísarnar vöktu mig enn meira þannig að ég stökk inn í herbergi og beint undir sæng aftur en fór óvarlega og vakti konuna mína sem hætti með mér og svo hringdi síminn og þá var það leigubílstjórinn sem keyrði mig heim hér um árið af djammi úr miðbænum þegar ég var unglingur áður en ég fór í mútur hann reif kjaft á sínum tíma en nú sagði hann mér bara að allir sem ég þekkti væru dauðir þau hefðu öll farist með skipinu sem Bono og The Edge áttu að vera að stýra en gerðu það ekki því þeir voru uppteknir við að spila polka fyrir Páfann á þilfarinu þannig að skipið var stjórnlaust og rakst á ísjaka og sökk en skipið lagði úr höfn frá Southampton en var frá Liverpool og einmitt um þetta leytið vaknaði ég og hugsaði með mér: Vá hvað fólk er duglegt að commenta á síðuna mína.

Hæ Hæ

 Ég er að leita mér eftir húsgögnum til að setja inn í litlu kompuna mína sem ég var að fá leigða. Vantar allt í raun og veru nema er kominn með þennan forláta sófa. Annars er allt ágætt af frétta af mér. Gengur vel í vinnu, ekki kominn með konu eða börn en annars bara góður. Skrifa eitthvað blogg kannski ef að fólk er duglegt að benda mér á húsgögn og raftæki eða bara gefa mér hahahaha..

 

Haukur

Halló

 Ef það er einhver sem að getur bent mér á litla, ódýra íbúð eða herbergi með sér aðstöðu þá má sá eða sú endilega láta mig vita..... er að verða desp hérna meginn og enda á götunni ef ekkert gerist fljótlega :-(

 

kv. Haukur

Jæja langt síðan maður bloggaði seinast. Ég hef nú ekki haft tíma til að blogga mikið enda hefur verið nóg að gera hjá mér í vinnunni. Ég er svo ekki með nettengingu þar sem ég bý heima hjá mömmu gömlu þannig að ég get heldur ekkert bloggað þar :-( . En annars er bara gott að frétta af mér er komin á fullt í nýju vinnunni minni á gamla vinnustaðnum mínum hjá Flugfélaginu. Verkefnin hrannast upp á hverjum degi og núna sit ég á skrifstofunni minni á mánudagskvöldi og er að bíða eftir að það komi hingað danir sem eru á leið með flugvél upp á Grænland. Það er margt og mikið spennandi að gerast í vinnunni hjá mér og hef ég sjaldan verið eins ánægður með vinnu eins og nú. Ég er virkilega að finna mig hérna í stressinu og í allri þeirri ábyrgð sem að fylgir mínu starfi.

 Vorið hérna heima hefur nú ekki verið spes og seinustu 3 vikurnar hefur veruð hálfgert haustveður með mestalgi 5 stiga hita, fyrir utan nokkra daga sem var 20 stiga hiti. En síðan þá er bara búið að vera kalt og leiðinlegt. Ég verð nú að viðurkenna það að mér leiðist frekar að vera hérna heima enda lítið um vini og þeir fáu sem eru halda úti konum og börnum og hafa lítinn tíma fyrir einhleypan aula eins og mig hehe. Ég hef mikið þurft að leita til systur minnar og mágs til að komast á djammið með einhverjum þannig að þetta er frekar dapurt. Það væri allavega gaman að vera í Odense þar sem flestir félagarnir eru í dag. En það sem heldur mér gangandi og kemur í veg fyrir allsherjar þunglyndi er vinnan og það snilldar lið sem ég vinn með. Á næstu vikum er ég líka eitthvað minna á Akureyri enda þarf ég að sækja út og suður í allskonar vesen tengt vinnunni. Það verður bara gaman.

 Jæja sumarið hlýtur að fara að koma og maður verður væntanlega léttari í lund þegar það lætur kræla á sér sem verður vonandi fyrr en seinna. Jæja ég nenni ekki að blogga meir enda hefur lítið gerst síðan ég bloggaði seinast en vonandi mun félagslífið fara að batna þegar það líður á sumarið. Annars verð ég að fara að eignast nýja vini svo geðheilsan fari ekki frá mér hehehe

 Heyri í ykkur seinna og veriði dugleg að commenta svo ég viti hverjir eru að lesa síðuna mína

 

Bæ Bæ

Jæja maður er kominn heim á klakann en eins og hitastigið er núna þá væri ég alveg til í að vera ennþá í Odense hehehe. Það er um frostmark hérna meðan það er bongóblíða í Odense. Annars er ekkert að frétta af mér. Er bara aðeins að vinna og skemmta mér. En í vinnu minni hef ég þurft að fara víða. Ég er t.d. nýkominn heim frá Dubai þar sem við vorum að gera samning við furstan um innanlands leiguflug. Það er rosalega spennandi verkefni og mun ég þurfa að eyða í það minnsta mánuði þar að undirbúa allt. Þar á eftir mun taka við mikil starfsemi upp á Grænlandi en ég slepp að mestu við veruna þar því ég þarf í staðinn að fara til Kína og undirbúa jarðveginn þar fyrir innrás íslenskra flugfélaga á markaðinn þar. Ég mun dvelja þar í mánuð einnig. Svo kem ég heim og verð hérna í smá tíma og er þá floginn til Argentínu en þar er fyrirtæki sem við erum í miklu samstarfi við og mun ég hafa samþykkt að dvelja þar í ár í það minnsta. Launin eru allavega það góð að ég get ekki hafnað þessu.

 En allavega bara að láta vita hvað ég er að gera.

Verið dugleg að kommenta hehe

Chao

Jæja sólin skín og veðrið er bara hið besta hérna í Odense. Það er vor í lofti og tilhlökkunin fyrir sumrinu er farin að gera vart við sig. Fótboltinn er farinn að rúlla hjá okkur og það er gaman að geta byrjað að hreyfa sig aðeins. Ég reyndar er búinn að liggja í heila viku í flensu og ekki bara flensu heldur einni skæðustu flensu sem ég hef fengið lengi, ég lá alveg kylliflatur. En núna er ég staðinn upp úr því og er allur að verða betri og betri og ætla meira að segja að taka þátt í æfingaleiknum sem við eigum í kvöld.

Ég er búinn að fá starfsmannamiða heim þannig að ef ekki verður uppselt í flugið heim á fimmtudaginn í næstu viku þá er ég á heimleið til að vinna í vor og sumar. Ég hef ráðið mig í vinnu hjá Flugfélagi Íslands og er ég að fara að starfa hjá leiguflugsdeildinni. Ég er ekkert ókunnugur þessu fyrirtæki enda ólst maður nánast upp á flugvellinum og hef líka starfað hjá flugafgreiðslunni í tvö ár. Í starfi mínu þá krefst það þess að ég muni þurfa að ferðast eitthvað og það er bara skemmtilegt því ég elska að ferðast. Ferðalögin verða þó að mér skilst mest upp á Grænland en það er í lagi því ég elska Grænland og þá fegurð sem að það hefur upp á að bjóða. En eitt er víst að ég mun bara vinna og vinna og vinna eins og hestur í sumar og verður lítið annað sem að kemst að hjá mér. Ekkert djamm hehe.

Ég mun þó hafa tíma til að gera eitt og það er að fara í brúðkaup hjá Jóa frænda mínum og félaga og verður það núna strax í upphafi apríl. Það verður gaman að sjá fyrsta félagann úr vinahópnum giftast enda erum við allir úr kjarnanum ennþá ógiftir en þó sumir komnir með börn og svoleiðis. Bóas kallinn varð svo 25 ára núna í vikunni og er ekki laust við að það hafi verið djammað vel fyrir vikið. Það var haldið eitt heljar einar partí og komu flestir af okkar vinum hérna úti í Odense og var rosalega gaman, partí ársins hehe.

 

Jæja ég hef ekki mikið annað að segja. Maður er bara í dönskuskólanum og er það rosalega gaman. Ég og Einar Logi erum saman í bekk og það er mjög fróðlegt og skemmtilegt að vera í tímum með fólki víðsvegar úr heiminum.

Áætlunin hjá mér er því þannig í sumar.

1. Vinna

2. Vinna

3 Vinna

4. Eyða tíma með fjölskyldunni

5. Vinna

6. Hitta vini

7. Njóta lífsins

8 Vinna

Það er semsagt ekki mikið sem að kemst fyrir annað en að vinna.

Fyrir ykkur dana vini mína þá er ég með íslenskt númer og er það 8922215 ef að þið viljið heyra í mér eitthvað. Ég er alltaf til í að heyra í vinum mínum hérna úti og mun ég sakna þeirra mikið og allrar skemmtuninnar sem að er engu öðru lík. Miklu skemmtilegra djamm heldur en heima t.d. hehe.

Jæja ég læt kannski inn einhver blogg hérna í vor og sumar en þetta er seinasta bloggið mitt frá Odense þangað til næsta vetur allavega. Ég er búinn að sækja um í Syddansk háskólanum hérna í Odense í hagfræði nám og krosslegg ég fingurnar um að ég komist inn.

 

Heyrumst síðar

Ég hef á ferli mínum alltaf verið mikill áhugamaður um pólitík. Mínar skoðanir hafa alla tíð, alveg frá því að amma sagði mér að eina vitið væri að kjósa Framsóknarflokkinn, legið inn á miðjunni og kannski eina tá til hægri. Þegar ég komst til vits og ára fór ég að reyna að skapa mínar eigin skoðanir á hlutunum, burt séð frá því hversu gáfulegar þær eru, og taka ákvarðanir eftir því inn í kjörklefum. Það er alveg sama hversu mikið ég hef reynt að vera opinn fyrir öllum möguleikum þá hef ég alltaf endað með því að kjósa Framsóknarflokkinn. Ástæðurnar eru margar og miklar en það hefur alltaf farið mér betur að vera á miðjunni til málamyndunnar. Til hægri og vinstir hef ég leitað en ekki átt samleið með enda of mikið um öfgar á báðum köntum. Þess vegna hefur mér fundist betra að taka allt það góða af báðum stefnum og nýta mér það í miðjumóði samfélagsins.

 

Ég er búsettur í Danmörku þar sem þú borgar helming af þínum launum í skatt, færð ókeypis heilsugæslu, matvælaverð er lágt, skólar ókeypis, samgöngur góðar o.s.frv. Það þýðir ekki að það sé allt gott og blessað í Danmörku pólitískt séð enda eru ekki allir á eitt sáttir við stefnu Dana í Íraksmálinu, heilsugæslu o.s.frv. Hingað hefur straumur innflytjenda sett margt á annan endan og sýna tölur frá vef Kaupmannahafnarlögreglu að um 70% allra glæpa sem eru framdir, eru framdir af innflytjendum. Þeir fáu Danir sem að ég tala við upp hvern dag skiptast í hópa um ágæti útlensk vinnuafls. Stjórnvöld fyrri ára hafa ekki staðið sig í stykkinu og hafa í blindni sinni hleypt hér inn alltof mörgum enda þótt flestir sem hingað koma, ég þar með meðtalinn, hingað komnir til að vinna og skapa sér og sínum sómasamlegt líf. En hingað koma líka margir til að lifa á kerfinu því það hefur hingað til verið svo auðvelt og er það ver og miður. Nýjar lagabreytingar gera það að verkum að útlendingar eru farnir að flytja sig meira yfir til Svíþjóðar þar sem að ekki hefur verið tekið á þessum málum. Ég tala hér sem félagshyggju maður með mikla samkennd fyrir fólki í heiminum sem að býr við bág kjör. Ekki að furða að fólk flytji frá löndum Afríku og Asíu þar sem að það er kúgað og misþyrmt af stjórnvöldum og hermdarverka mönnum ýmsum. Fólk vill lifa frjálst og óháð öðrum í friði og ró. Danmörk hefur í gegnum árin boðið upp á þetta frelsi fyrir útlendinga en ekki passað sig nægilega vel. Núna eru tækifæri fyrir okkur Íslendinga að nýta okkur reynslu Dana í þessum málum. Við verðum að bjóða hvern þann sem að frjáls vill lifa á Íslandi velkominn og hjálpa þeim eins og unnt er. En um leið með vökulum augum mega ekki til landsins koma menn og konur einungis til að lifa á okkar skattpeningi. Honum er mun betur varið í fólk sem virkilega getur ekki unnið og á sér enga von um að geta framfleytt sjálfum sér peningalega. Þessi pistill er því óbeinn stuðningur við hófsama andstæðinga innflytjenda innan Frjálslynda flokksins en alls ekki taka mín orð sem rasista eða andstæðings innflytjenda. Eina sem ég vil er að farið sé varlega þannig að allir geti lifað við góð kjör og framfleytt sér og sínum heima á Íslandi hvort sem þú kemur frá Súdan, Palestínu eða bara Noregi og villt búa á Íslandi.

 

Nú nálgast kosningar heima og er andrúmsloftið rafmagnað eins og að venju. Þessar kosningar virðast ætla að verða þær hörðustu í manna minnum og jafnvel persónulegar á tímabili. Málefni nútímans eru mörg og stór. Stóriðjustefna stjórnvalda, ekki bara Framsóknarflokksins eins og Vinstri hægri grænt rauðir vilja alltaf halda fram, er eitt stærst málefni seinni tíma eða allt frá því að við Íslendingar börðumst fyrir stækkun landhelgi okkar við Breta. Fyrir mér er mikilvægt að fara sér hægt þegar kemur að stóriðju og þeim virkjunum sem því fylgir. Á eitt skal minnast að ég er fylgjandi stóriðju og þeirri velsæld sem henni fylgir eins og við erum að verða vitni af núna á austfjörðum. Hagsældin blómstrar og er ánægja heima manna slík að annað eins þekkist varla. Vinsri Grænir hafa með einbeittum vilja reynt í lengstu lög að eyðileggja þá miklu uppbyggingu sem átt hefur sér stað á austurlandi. Með níðandi málflutningi og ómálefnalegum umræðum í alþingi hefur þeim á ótrúlega hátt tekist að ná til sín fylgi hins ómenntaða og höfðað til fávisku fólksins. Með loforðum sem engum heilbrigðum manni dettur í hug að muni ganga upp öðruvísi en að setja ríkiskassann á annan endann. Að sjálfsögðu er mikilvægt að jöfnuður sé mikill og góður og ekkert því til fyrirstöðu að allir búi við góð kjör. Auðvitað er launamunurinn á Íslandi mikill en þá er alltaf tekið inn í myndina allar þær rosalegu fjármagnstekjur sem að þessir örfáu ríkisbobbar eru með. Nú gæti einhver sagt að það séu alveg eins tekjur eins og hins almenna launþega og er ég þar sammála. En við erum samt að tala um 5 % Íslendinga sem að eru á þessum ofurlaunum. Ef við allavega skiljum þann lið út undan þá sjáum við að launamunurinn á Íslandi er með þeim minnsta sem í heimi gerist. Eina vandamálið er að þessi munur er alltaf að verða meiri og við því verður að sporna. En þá má samt ekki hlaupa upp til handa og fóta og lofa milljörðum ofan á milljarða bara til þess að stoppa upp í götin á einni nóttu. Með öruggum en þau kannski ekki nægilega hröðum hætti má koma því þannig fyrir að allir lifi vel og lengi við góð kjör án þess að setja allt á annan endann eins og mun gerast ef að Vinstri Grænir ásamt Samfylkingunni komast í stjórn. Ég get ekki ímyndað mér Steingrím J. Sigfússon sem Forsætisráðherra og ekki hæfur maður í það starf þótt til margs annars sé hann mjög fær.

 

Það er að koma í ljós í, dag þrátt fyrir alla kaffitímana sem að formenn stjórnarandstöðunnar hafa setið og plottað, að sundrungin er mikil og erfitt að sjá að þau muni ná saman. Ég get alveg skilið gremju vinstri flokkanna ásamt Frjálslyndum enda hefur árangur þeirra ekki verið upp á marga fiska fyrir utan fyrrnefndar tilraunir til eyðileggingar starfssemi. Við alla þá umræðu um sundrung þá hefur komið upp sá valkostur að Vinstri Grænir og Sjálfstæðisflokkur fari að stinga saman nefjum og mynda ríkisstjórn. Fyrir mér er þetta versti kostur sem að ég get hugsað mér enda er ég að tala um tvo mestu afturhaldsflokkana á Íslandi. Gott dæmi um það hvað Sjálfstæðisflokkinn varðar er nýlegar breytingar fjármálaráðherra á umhverfi viðskiptalífsins þar sem fyrirtækjum er settar þröngar skorður hvað uppgjör í erlendri mynt varðar. Þessir flokkar eru að mínu mati holdgervi íhaldsins og þykir mér það óhugsandi að búa heima á Íslandi við stjórn þeirra. Ríkisstjórn Framsóknar og Sjálfstæðisflokksins hefur gengið vel enda hefur Framsókn getað haft meiri áhrif á Sjálfstæðisflokkinn til hins betra. Þeir hafa komið málefnum í gegn og veitt sjálfstæðismönnum mikið aðhald. Ég styð því frekar áframhaldandi ríkisstjórn þeirra með nokkrum mannabreytingum þó.

 

Samfylkingin er eitt mesta klúður í sögu Íslands eða allt frá árinu 1904 er við fengum heimastjórn. Saman kominn í einn flokk er hjörð manna og kvenna sem að tala út og suður og enginn virðist vera smmála um neitt innan flokksins. Þannig kemur það allavega mér fyrir sjónir sérstaklega þegar þingmenn flokksins eru að deila í fjölmiðlum, Ingibjörg segir eitt og Össur annað. Fyrir nokkru tók Ingibjörg Sólrún við sem formaður flokksins og síðan þá hefur hann bara legið niður á við í fylgi. Undir forystu Össurar Skarphéðins þá vann flokkurinn stórsigur í seinustu kosningum með um 30 % fylgi. Allt lék í ljúfri lund og mikið gekk upp hjá Samfylkingunni. Þess vegna er mér alveg fyrirmunað að skilja afhverju flokksmenn sáu sig knúna til að skipta um forystu. Þeir fengu valkost um öryggi og staðfestu með Össur en um leið valkost um ótrúverðuleika og óöryggi með Ingibjörgu. Eftir að hún steig úr stóli borgarstjóra eftir að hafa í sveitarstjórnarkosningunum 2002 ítrekað sagt að hún væri ekki á leiðinni á þing og svo tekið algjöra U-beygju og svikið öll loforð um áframhaldandi setu sem borgarstjóri, þá missti hún allan trúverðuleikann sem hún hafði fyrir. Fyrir mér kom hún fram sem sterkur og heillandi stjórnmálakona sem ég hreyfst mikið af en þegar fólk er svona yfirlýsingaglatt og svo svíkja þær yfirlýsingar þá missi ég áhugann. Það er einmitt það sem að virðist vera að gerast núna fyrir Samfylkinguna að´Ingibjörg er að draga niður flokkinn og það mikla fylgi og sá mikli meðbyr sem flokkurinn hafði í seinustu kosningum er farinn lengst upp til fjalla og kemur ekki aftur að mínu mati. Ítarleg naflaskoðun er eitthvað sem að þeim veitir ekki af og eru þau ekki ein um það.

 

Ég get ekki setið hér og gagnrýnt aðra flokka án þess að gagnrýna minn eigin flokk einnig. Sá veruleiki virðist vera að koma í ljós að versta útreið sem minn gamli flokkur er að fá er að vera að veruleika. Ég hef ekki tekið mikið þátt í stjórnmálastarfi innan flokksins og ætti kannski ekki að vera að segja mikið en fyrir mér er að myndast klíka manna og kvenna sem að vill hafa þennan flokk út af fyrir sig. Mér finnst flokkurinn hafa lokast og ekki verið eins opinn og skemmtilegur eins og alvöru félagshyggju og samvinnu flokkur á að vera. Á sínum tíma voru öll Samvinnufélög og Ungmennafélög hluti af flokknum og er mikilvægt að líta aðeins til baka og sjá hvað hefur farið úrskeiðis. Að mínu mati hefur það stór áhrif hversu harkalega og ómálefnalega Vinstri Grænir hafa gagnrýnt flokkinn á tímum þar sem að hægsæld og velferð hefur aldrei verið betri. Það vil ég þakka mínum flokki og því samstarfi sem hann hefur átt við Sjálfstæðismenn. Framsóknarmenn þurfa að fara í mikla endurskoðun og öll klíkumyndun þarf að hverfa og núna er mál að sinna að fylgja sér að baki flokksstjórnar og vinna saman að því að endurreisa flokkinn til fyrri frægðar og velferðar.

 

Að lokum vil ég segja að þessi pistill minn er eingöngu skrifaður fyrir góðan og mætan sjálfstæðismann enda gat ég ekki setið á mér eftir að hafa verið búinn að LOFA pólitískum pistil. Þá hefði trúverðugleiki minn fokið út í veður og vind . Það er komið að þér Pétur Ottesen að koma með svör á móti og endilega vertu gagnrýninn í þínum kommentum hehehehe.

 

Kær kveðja frá Odense. Lengi lifi Framsóknarflokkurinn

Haukur Logi Jóhannsson, stjórnmálafræðingur

 

 

 

 

Jæja þá er það eitt stykki blogg... Það er nú ekki ætlunin að fara að vera pólitískur eins og ég var búinn að lofa seinast enda hef ég ekki mikinn áhuga á því. En allavega það er gott veður í Danaveldi þessa dagana og gott ef að vorið er ekki bara á næsta leiti. Ég hef verið duglegur að vera úti að njóta veðursins enda styttist alltaf meir og meir í að ég fari heim á frón þar sem allra veðra er von. Það er búið að vera mjög gaman seinustu vikur og mikið gert sér til dægrar styttingar. fyrir hálfum mánuði vorum við Bóas með partí þar sem að allir strákarnir sem að æfa fótbolta með okkur komu í heimsókn. Vægast sagt þá er þetta eitt skemmtilegasta djamm sem að ég hef farið á lengi. við skelltum okkur í keilu og svo í bæinn þar á eftir og máluðum bæinn rauðann. Vikan þar á eftir fór af miklum hluta til í það að jafna sig eftir það og er langt í annað eins. Um seinustu helgi skelltum við okkur aftur á djammið en í þetta skiptið var ekki eins mikið um að vera en ágætis djamm enga að síður. Á sunnudeginum skellti ég mér þó alveg drullu þunnur til Köben að hitta Ernu og Stebba en þau áttu hér viðdvöl í einn sólarhring áður en að þau byrjuðu heimsreisuna sína. Það var rosalega gaman að hitta þau og er ég viss um að þetta eigi eftir að verða rosalega gaman hjá þeim. Á þriðjudaginn seinasta kom svo Snorri félagi í heimsókn til að hanga með okkur Bóasi og ég er alveg viss um að ég er búinn með minn kvóta í áfengisdrykkju fyrir næstu mánuði hehe. Snorri fór svo heim í gær en ég og Bóas fórum í afmælisveislu til tveggja yndislegra stúlkna þar sem fjörið var mikið. Ég fór snemma heim en Bóas kom svo seinna heim með bros á vör en með leiðinlegar fréttir fyrir mig sem ég ætla ekki að diskútera hér enda ekkert að sem að skiptir máli. Aníhú ég er á heimleið og verður rosalega gott að vera heima í mömmuhreiðri að vinna hjá flugfélaginu að skemmtilegum verkefnum og hitta vinina heima á Akureyri. Ég veit nú ekki hversu margir pistlar muni koma eftir þennan og er að velta fyrir mér að hætta að blogga í bili allavega. Ég er ekki að nenna að standa í þessu rugli og ef að einhver vill fá fréttir af mér þá er alltaf hægt að hringja og svo er ég náttla með flesta vini og kunningja á msn og skype, fjölgar alltaf í kunningjahópnum.

Jæja ég bið bara að heilsa frá Danaveldi og ætla að fara að hella mér í þessa ægilega skemmtilegu dönsku bók sem að ég er að lesa.

Bæ

Jæja góðan og blessaðan daginn. Ég hef nú ekki verið mjög duglegur að blogga undanfarið en ræð hér smá bót á því. Ég fór heim um jólin og eyddi þeim í faðmi fjölskyldunnar. Ég kom heim um 9 leitið á þorláksmessukvöld eftir langt og stressandi ferðalag. Það var alveg rosalega gott að koma heim og maturinn á aðfangadag hjá minni ástkæru systur var náttla bara snilld, maður kemur ekki að tómu diskum á því heimili skal ég segja ykkur hehe. En allavega takk fyrir það Dadda mín. Á jóladag var svo matur hjá bróður mínum og ekki var það nú ekki síðra, nautalundir og alles, mmmmm. Á annan í jólum hitti ég svo alla eða flesta vini mína og að sjálfsögðu var vel tekið á því og ekkert skilið eftir. Ég, Snorri, Sindri, Birna, Stebbi, Erna og Emmi fórum á djammið en reyndar enduðu bara ég Emmi og Snorri í miðbænum og eins og venjulega þá týndist Emmi strax hehe. En við Snorri fórum og hittum Hlíf þannig að það var bara gaman. Hef reyndar ekki frá miklu að segja það kvöldið því það er allt í hálfgeri móðu og ef ég hitti einhverja sem að lesa þetta blogg þarna um kvöldið þá man ég ekki eftir því eða þá að þið eruð ekki það merkileg til að muna eftir en don´t worry ég man alltaf eftir vinum mínum hehe allavega þeim bestu. Daginn eftir var frekar rólegur og fór bara aðallega í timburmenn og ælu hehe því miður sérstaklega þar sem að þetta var seinasti dagurinn minn heima áður en að ég fór aftur út. En allavega það var gott að koma heim, knúsa ættingjana, skíra litla frænda, sem heitir Karl Lúkas Kristjánsson by the way. Á fjórða degi jóla var svo aftur haldið út og var bara ekkert svo slæmt að fara nema kannski að mig langaði ekkert að yfirgefa litlu ættingjana og reyndar ekki hina heldur.

Á áramótunum var svo haldið heljareinar matarboð hérna heima hjá mér og Bósa og fengum við hvorki meira né minna en 10 manns í litlu íbúðina okkar að borða. Þetta voru allir nánustu vinirnir hérna í Odense og var alveg rosalega gaman að fá alla. Það vantaði reyndar Þórdísi og Einar Loga, þau voru boðin annað en kannski eins gott því að það mátti varla koma fleirum fyrir hehe. Gústi og Þóra voru líka ekki enda með foreldra hans Gústa í heimsókn þannig að þau voru afsökuð. Eftir matinn fóru allir að djamma á barnum okkar hérna en ég forðaði mér um 2 leitið af einhverri ástæðu og sat bara heima að drekka koníak og spjalla við Einar Loga í rólegheitum, það var bara fínt.

En það nýjasta er að ég fór til Aalborg núna um seinustu helgi og kom bara heim í gærkveldi. Ég fór að heimsækja eina af mínum bestustu vinkonum sem að ég á. Það var hún Elva mín sem að býr þar og var bara algjör snilld að eyða helginni í rólegheitum með henni. Það var bara kúrt upp í sófa og horft á vide og svo túristaðist hún aðeins með mig um Aalborg og það var mjög gaman, fórum út að borða og svona og svo bara spjölluðum við um allt milli himins og jarðar. Ég er bara endurnærður eftir nokkra daga hjá henni og ætla aftur fljótlega. Svo erum við að spá í að fara kannski til Barcelona beint frá Aalborg, kostar ekki nema 300 krónur eða eitthvað aðra leið, en Elva ætlar allavega að fara og kannski fer ég með líka. En allavega takk fyrir mig elsku Elva mín þú ert svo sannarlega góður og tryggur vinur.

Ení hú þetta er orðið ágætur pistill og ég er að fara í mat til Gústa, það verður ýsa með kartöflum og miklu smjöri uhmmmmm. En endilega tjáið ykkur hérna og látið mig vita að þið séuða á lífi og svona, maður getur ekki hitt alla eða heyrt í þannig að þetta er allavega ein leiðin til að vita að þið séuð á lífi hehe.

Hej Hej 

Vinsamlegast svarið þessum spurningum og ekkert rugl hehehe.....

1. miðnafnið þitt:

2. Aldur:

3. Single or Taken:

4. Uppáhalds bíómynd:

5. Uppáhalds lag:

6. Uppáhaldshljómsveit:

7. Dirty or Clean:

8. Tattoo eða göt:

9. Þekkjumst við persónulega?

10. Hver er tilgangurinn með lífinu?

11. Myndiru bakka mig upp í slagsmálum?

12. Myndiru þaga yfir leyndarmáli ef það skipti mig máli?

13. Besta minningin þín um okkur?

14. Myndir þú gefa mér nýra?

15. Segðu eitthvað skrýtið um þig:

16. Myndir þú hugsa um mig ef ég væri veikur?

17. Getum við hist og bakað köku?

18. Hefuru heyrt kjaftasögu um mig nýlega?

19. Talaru eða hefuru talað illa um mig?

20. Finnst þér ég góð manneskja?

21. Myndir þú keyra með mér hringinn í kringum landið?

22. Finnst þér ég aðlaðandi?

23. Hverju myndiru vilja breyta í mínu fari?

24. Í hverju sefuru?

25. Kæmiru í heimsókn af tilefnislausu, bara til að chilla?

26. Myndir þú koma á stefnumót ef ég myndi bjóða þér? 27. Ef ég ætti einn dag ólifaðann, hvað myndum við gera?

28. Ætlaru að setja þetta á þitt blogg svo að ég geti svarað hjá þér ?

Mig dreymdi skrýtinn draum í nótt. Ég var staddur á skipi sem var á siglingu neðansjávar. Þil skipsins var úr blóðrauðu stáli eins og á gámaskipunum sem sigla á milli landa og þrátt fyrir að vera undir yfirborðinu heyrði ég að einhver var að glamra á kassagítar fremst á þilinu. Ég gekk nær og sá að þetta var Bono úr U2, og í hvert sinn sem hann kláraði lag klappaði Páfinn (sem var þarna líka) og sagði, “meira! meira!” fullur ákafa. Páfinn var einmitt með sólgleraugun sem Bono gaf honum árið 2001 þegar þeir hittust í einhverjum góðgerðaerindum. Bono er góður kall, gefur gleraugun sín og svona, en hann er ekkert sérstaklega góður gítarleikari. Páfinn sá að mér var ekki skemmt en sagði mér að hafa ekki áhyggjur, The Edge hefði verið í magadanstímum og bara tafist aðeins …

Allavega, The Edge lét á endanum sjá sig og hóf að spila polka með Bono, en við það tækifæri fór Páfinn að dansa. Ég tók eftir því að himininn var fjólublár og það var einmitt um það leyti sem ég vaknaði upp og leit á klukkuna en hún var bara kortér í sex og þá fór ég aftur að sofa en fyrst fékk ég mér vatnsglas en vatnið var gruggugt þannig að ég drakk bara einn sopa spýtti honum strax út úr mér gekk um eldhúsgólfið en kaldar flísarnar vöktu mig enn meira þannig að ég stökk inn í herbergi og beint undir sæng aftur en fór óvarlega og vakti konuna mína sem hætti með mér og svo hringdi síminn og þá var það leigubílstjórinn sem keyrði mig heim hér um árið af djammi úr miðbænum þegar ég var unglingur áður en ég fór í mútur hann reif kjaft á sínum tíma en nú sagði hann mér bara að allir sem ég þekkti væru dauðir þau hefðu öll farist með skipinu sem Bono og The Edge áttu að vera að stýra en gerðu það ekki því þeir voru uppteknir við að spila polka fyrir Páfann á þilfarinu þannig að skipið var stjórnlaust og rakst á ísjaka og sökk en skipið lagði úr höfn frá Southampton en var frá Liverpool og einmitt um þetta leytið vaknaði ég og hugsaði með mér: Vá hvað fólk er duglegt að commenta á síðuna mína.

Svo er ég líka búinn að kaupa mér nýja almennilega digital myndavél þannig að þið megið kannski búast við myndum ef ég nenni að standa í þessu...

Jæja það er langt síðan að ég bloggaði seinast. Hvað hefur gerst er svosum ekki mikið. Ég er búinn að djamma eins og vitleysingur, get ekki útskýrt afhverju en kannski er það bara einhver leiði sem dregur mann endalaust á djammið. Ég er kominn með vinnu hérna úti við viðhald á tækjum í skipasmíðastöðinni hérna í Odense. Það er rosalega fín vinna og launin eru alveg ágæt. Þetta er vinna sem að þessir blessuðu danir nenna ekki að vinna enda kunna þeir ekki þá iðju að mínu mati. Ég ætla að reyna að vera í þessari vinnu eins mikið og ég get eftir áramót og reyna að safna mér smá pening fyrir næsta vetur. Svo er ég mjög líklega kominn með vinnu hjá leiguflugsdeild Flugfélags Íslands næsta sumar og mun ég væntanlega byrja í maí næsta vor og vera í vinnu alveg þangað til í lok ágúst. Það er mjög fín vinna. Engar sérstakar vaktir bara venjuleg dagvinna með hefðbundnum helgarfríum og svoleiðis. Þannig að ég mun alveg ná góðum fjórum mánuðum heima á Akureyri næsta sumar sem eru góðar fréttir fyrir vinina heima hehehe.

Ég skrapp til Köben í gær og hitti bróður minn og mágkonu og börnin þeirra og var það rosalega gaman. Langt síðan að maður hitti þau. Við brösuðum alveg helling. Fórum í jólatívolí og á strikið og hitt og þetta. Svo gisti ég eina nótt í Köben og fór svo aftur með lestinni til Odense.

Nú nálgast jólin óðfluga og mig er farið að hlakka verulega til að vera í faðmi fjölskyldunnar á jólunum og hitta vinina á annan í jólum. Það verður væntanlega bara tekið eitt djamm heima á annan í jólum og verður það bara fínt fer svo aftur út 28 des og ætla að fagna áramótunum í Odense.

Um næstu helgi er ég að spá í að fara til Álaborgar og hitta Elvu vinkonu mína. Ég var fyrir l-ngu búinn að lofa því að koma og heimsækja hana og ætli að maður láti ekki verða af því núna svo lengi sem að ég er ekki að vinna eða eitthvað annað rugl. Elva mín er reyndar í prófalestir núna þannig að það verður bara hjúfrað sig saman upp í sófa og horft á video og spjallað saman. Það verður rosalega þægilegt enda hefur Elva alltaf verið sáluhjálpari minn hehehe.

Annars er ekkert annað að frétta veit ekki hvenær ég mun blogga næst en kannski er ég bara alveg hættur að nenna því og hætti kannski bara þannig að fólk getur alltaf heyrt í mér samt á msn og skype o.s.frv. Sjáum til

Hei

Jæja tíminn heldur áfram að líða í Danmörku og eiginlega of lítið af honum fyrir mig. Vikan er búin að vera viðburðarrík og skemmtileg þótt leiðinlegir atburðir hafi gerst líka. Kannski er best að byrja á því leiðinlega. Það var í skólanum mínum í gær sem að sá atburður gerðist að tveir strákar fóru að slást og endaði með því að annar þeirra stakk hinn í háls og bak þannig að úr varð heilmikið blóðbað. Þannig var það að sá sem að stakk er tyrkneskur og var rekinn úr studygrúppinni sem að hann var í á miðvikudaginn. Hann brást illa við og kom upp í skóla í gær og stakk strákinn sem að var mest á móti honum en hann er Grænlendingur og heitir Lars. Þessir strákar eru báðir með Bóasi í bekk og erum við vægast sagt sjokkeraðir yfir þessum atburði. Tyrkinn situr nú gæsluvarðhald og á ég ekki von á að sjá hann aftur í skólanum. Hann Lars er aftur á móti á spítala að jafna sig en sem betur fer voru þetta ekki djúp stungusár en enga að síður alvarleg og ekkert annað en tilraun til manndráps að mínu mati.

En að skemmtilegri viðburðum. Ég, Bóas og Óli vinur okkar fórum í gufu hérna á kolleginu á miðvikudagskvöldið og var það mjög athyglisverð gufuferð. Við vorum ekki fyrr komnir inn í gufu, ég og Óli fyrst, að tvær huggulegar stelpur komu þar inn. Ég var nú svosum ekki mikið að kippa mér upp við það en augabrúnin lyftist heldur þegar þær voru allt í einu bara orðnar berbrjósta og fannst það bara ekkert nema eðlilegt hehe. Ég og Óli náttúrulega roðnuðum upp fyrir haus en það sást ekkert sem betur fer í gufunni þannig að við gátum haldið kúlinu hehe. Svo kom Bóas inn og svipurinn á honum var ekkert smá fyndinn enda átti hann frekar von á að sjá mig og Óls bera heldur en tvær berbrjósta gellur hehehe. Við sátum með þeim í dágóða stund og stundum tóku augun öll völd og lítu alltaf annaðslagið til vinstri sérstaklega þar sem að önnur þeirra sat alveg upp við mig hehe ég réð ekki við neitt. Þannig að gufuferðirnar verða tíðari núna hjá okkur strákunum enda ef það er alltaf svona á boðstólnum þá er engin ástæða til að fara ekki hehe.

Að öðru leiti gerðist svosum ekki mikið í vikunni. Ég er bara alltaf í sama farinu og reyni að læra og vera duglegur við það en það er ekkert smá erfitt eftir að hafa verið veikur í tvær vikur. En annars þá er partý heima hjá mér annaðkvöld og það er heljar einar fest í gangi og öllum boðið að koma sem að búa hérna nálægt og sjá sér fært að koma. Það verður rosa stuð ég ogBósi eigum inni hávaðkvóta enda ekkert verið neitt partý hjá okkur síðan á ágúst hehe

Heyrumst